آندھرا پردیش میں جدید ٹیکنالوجی والی سڑک

ناظرین آپ نے گلی محلہ اور شہر میں سڑکوں کو بنتے ضرور دیکھا ہوگا جہاں کثیر مقدار میں ریت سمنٹ اور کنکر کا استعمال ہوتا ہے۔

آندھراپردیش کے پنچایت راج انجینئرنگ شعبہ نے امریکی نمائندہ گیاری ولسن اور انکی ٹیم کے ساتھ ملکر، علاقہ گننا ورم میں بغیر کسی مٹریل کے صرف مٹی سے سڑک بنانے کا کام شروع کیا۔

پنچایت راج کے اعلی افسر وینکٹیشور راو نے اس ضمن میں بتایا کہ، امریکی ٹیکنالوجی سے بنائی جارہی سڑک میں ،ٹیررا پیو،نامی کیمیکل کا استعمال ہوتا ہے،راو نے کہا سڑک بنانے کی جگہ ہی سے مٹی حاصل کی گئی ہے پھر مٹی کو بکھیر کر تین پرت کیمیکل اس پر ڈالا گیا۔
مذکورہ افسر نے کہا کہ سڑک بنانے کے اس طریقہ کار اور ٹیکنالوجی سے سڑک کی تعمیر کا خرچ کم اور آدھا ہوجاتا ہے۔
ویکٹیشور راو نے کہا کہ این ٹی آر روڈ سے، ملے پالم، تک بنائی جارہی دو کلو میٹر پر محیط اس سڑک پر صرف پینتیس لاکھ روپیے خرچ ہونگے، جبکہ مٹریل سے بنائی جانے والی سڑک پر 70 تا 80 لاکھ روپے کا خرچ آتا ہے۔