آندھر اپردیش ہائی کورٹ سے ریاستی حکومت کو راحت ملی ہے کیونکہ عدالت نے ریاست میں راشن گھرگھر فراہم کرنے والی گاڑیوں کے رنگ کو بدلنے کے لئے دئے گئے احکام پر روک لگا دی ہے۔
عدالت نے کہا کہ اس خصوص میں اس کی جانب سے جاری کردہ عبوری احکام 15مارچ تک نافذ العمل رہیں گے۔
ریاست میں انتخابی ضابطہ اخلاق کے نافذ ہونے کی وجہ سے ان گاڑیوں کے رنگ کو بدلنے کی ہدایت ریاستی الیکشن کمیشن نے دی تھی۔ ریاستی الیکشن کمشنر نماگڈہ رمیش نے ان گاڑیون کا معائنہ کیا تھا اور ریاست میں پنچایت انتخابات کے پیش نظر ان کے رنگ کو بدلنے کے احکام دئے تھے۔
ریاست کی جگن موہن ریڈی زیرقیادت ریاستی حکومت نے ان احکام کو اے پی ہائی کورٹ میں چیلینج کیا تھا۔
عدالت نے اس معاملہ پر سماعت کرتے ہوئے ریاستی الیکشن کمیشن کے احکام پر روک لگا دی ہے۔
