انتخابات پر مذہبی رہنماوں کا رد عمل

ریاست مدھیہ پردیش کے دارالحکومت بھوپال میں اقلیتی طبقات کے رہنماؤں نے بی جے پی کی حکومت پر الزام عائد کرتے ہوئے کہاکہ بی جے پی کی نہ تو صوبائی حکومت اور نہ ہی مرکزی حکومت نے اقلیتی طبقات کے لیے کوئی کام کیا ہے-

ای ٹی وی بھارت نے اقلیتی طبقات کے مذہبی رہنماؤں سے عام انتخابات کے تعلق سے بات کی تو جمعیت علماء اہل ہند کے جنرل سکریٹری محمد کلیم نے بتایا کہ مدھیہ پردیش میں ابھی کانگریس کی حکومت آئی ہے پر اس سے پہلے 15 برسوں تک بی جے پی کی حکومت رہی ہے-

ان تمام برسون میں سب سے زیادہ پریشان مسلم طبقہ کو کیا گیا، بی جے پی حکومت میں مدھیہ پردیش میں مسلم طبقہ پر طرح طرح سے ظلم و زیادتی کی گئی ہے اور ان کے حق کو چھینا گیا ہے-

انہوں نے مزید کہاکہ عام انتخابات کے جاری منشور میں دونوں پارٹیوں نے اقلیتیں طبقہ کے لئے کچھ خاص نہیں رکھا ہے-
سکھ طبقے کے گیانی دلیپ سنگھ نے کہا کہ انتخابات کے وقت سبھی پارٹیاں وعدے کرتی ہے روزگار، تعلیم و ترقی اور دیگر وعدے کیے جاتے ہیں، جیت جانے کے بعد تمام پارٹیاں اپنے وعدوں کو بھول جاتے-

بودھ سماج کے بنتے ساگر نے کہا کہ اس بار بھی دو اہم پارٹیاں کانگریس اور بی جے پی نے اپنے منشور جاری کر دیے ہیں پر ان کے منشور میں جو ہوتا ہے اس پر کوئی کام نہیں کیا جاتا ہے۔

عیسائی سماج کے فادر انیل مارٹن نے ای ٹی وی کو بتایا کہ عیسائی طبقہ ہمیشہ لوگوں کے لیے روزگار ,تعلیم اور دیگر سہولیات فراہم کرتا ہے، تاہم جب سے بھارتی جنتا پارٹی کی حکومت اقتدار میں آئی ہے تب سے ہمیں پریشان کیا جا رہا ہے۔