پرکاشم: سڑک حادثہ میں تین افراد ہلاک

اے پی کے ضلع پرکاشم میں کار اور بائیک کے مابین ہوئے تصادم میں تین افراد کی موت ہوگئی جس میں دو خواتین شامل ہیں۔

حیدرآباد: اے پی کے ضلع پرکاشم میں پیش آئے سڑک حادثہ میں تین افراد ہلاک ہوگئے جس میں دو خواتین شامل ہیں۔

یہ حادثہ ضلع کے تلاملی قومی شاہراہ پر آج صبح اُس وقت پیش آیا جب اونگول سے پودیلی علاقہ میں جارہی بائیک اور پودیلی سے اونگول کی سمت آرہی کار نے تیز رفتار بائیک کو ٹکر مار دی جس سے بائیک پر سوار ایک شخص کے ساتھ دو خواتین کی موقع پر ہی موت واقع ہوگئی۔

واقعے کی اطلاع ملنے کے بعد جائے وقوع پر پہنچی پولیس نے لاشوں کو قبضے میں لے کر پوسٹ مارٹم کے لئے بھیج دیا اور تحقیقات شروع کردی۔