این چندر بابو نائیڈو کو تروپتی ایئرپورٹ پر روکا گیا

آندھرا پردیش کے سابق وزیر اعلیٰ این چندر بابو نائیڈو کو رینی گُنٹا ہوائی اڈے پر احتجاج منظم کرنے کی کوشش کے نتیجہ میں پولیس نے حراست میں لیا اور ان کی اس کوشش کو ناکام بنادیا۔

تلگو دیشم پارٹی کے سربراہ اور آندھرا پردیش کے سابق وزیر اعلیٰ این چندر بابو نائیڈو نے تروپتی کے رینی گُنٹا ہوائی اڈے پر احتجاج کرتے ہوئے دھرنا منظم کرنے کی کوشش کی لیکن پولیس نے ان کی اس کوشش کو ناکام بنادیا۔

بعد ازاں آندھرا پردیش کی رینی گُنٹا پولیس نے این چندر بابو نائیڈو کو اس وقت حراست میں لے لیا جب وہ چِتّور ضلع میں انتخابی مہم میں شریک ہونے جارہے تھے۔