کھلونہ نگل لینے سے بچی کی موت

پولیس نے کہا کہ اس لڑکی کی موت کے لئے کسی کو بھی ذمہ دارقرار نہیں دیا جاسکتا کیونکہ یہ ایک افسوسناک واقعہ ہے۔

آندھراپردیش کے وجیا نگرم ضلع میں چھوٹے بچوں کے کھانے کے چپس کی پیکٹ میں آئے کھلونے کو نگل لینے سے ایک سال کی بچی کی موت ہوگئی۔

ساندھیا نامی خاتون نے اپنی ایک سالہ بچی مونیکا کے لئے کریکر رنگ کا پیکٹ خریدا۔ بچی نے پیکٹ کے تمام رنگ کھا لئے یہاں تک کہ پیکٹ میں بطور تحفہ دیئے گئے چھوٹے کھلونے کو بھی نگل لیا۔

کھلونہ اس کے گلے میں پھنس جانے سے بچی کی سانس رک گئی۔ مونیکا کو فوری طور پر اسپتال منتقل کیا گیا لیکن ڈاکٹروں نے اسے مردہ قرار دیا۔

پولیس نے کہا ' بچی کی موت کے لئے کسی کو بھی ذمہ دارقرار نہیں دیا جاسکتا کیونکہ یہ ایک افسوسناک واقعہ ہے'۔

پولیس نے تاہم ضابطہ فوجداری کی دفعہ 174 کے تحت ایک معاملہ درج کرکے جانچ شروع کردی۔ اس واقعہ کے ساتھ ہی گاوں میں غم کی لہر دوڑ گئی۔

لڑکی کے رشتہ داروں نے حکام سے اپیل کی کہ وہ ایسے پیکٹس میں چھوٹے کھلونوں کو پیک نہ کرنے کو یقینی بنانے کے اقدامات کریں تاکہ مستقبل میں اس طرح کے واقعات کو روکا جاسکے۔