ریاست آندھرا پردیش کے ضلع گنٹور کے سرکاری ہسپتال میں ایک شخص کی موت نے ڈاکٹرس اور دیگر مریضوں میں الجھن پیدا کردی ہے جس کی وجہ سے وہ کافی خوفزدہ ہیں۔
شخص کو کورونا وائرس کی علامات پر خصوصی وارڈ میں رکھا گیا تھا جہاں اس کا علاج کیا جا رہا تھا تاہم دل کا دورہ پڑنے سے اس کی موت ہوگئی۔
ڈاکٹرس نے اس کے نمونے لیب کو بھیجے ہیں تاکہ کورونا وائرس کی تصدیق کی جاسکے۔ دوسری جانب اس کی لاش کی منتقلی میں بھی کافی احتیاط کی جارہی ہے۔
مرنے والے شخص کا تعلق ضلع گنٹور سے ہے۔ ہسپتال کے اسٹاف کے مطابق وہ گزشتہ 15 برس سے ٹی بی کے مرض کا شکار تھا اور پیر کو اس کو ہسپتال لایا گیا تھا۔
تاہم اس کی موت دل کا دورہ پڑنے سے ہوگئی۔ اس کے ارکان خاندان نے کہا کہ 'ان کے خاندان میں کوئی بھی بیرون ملک نہیں گیا جبکہ ہسپتال کے سپرنٹنڈنٹ نے کہاکہ 'اس کی مختلف رپورٹس آنے کے بعد ہی وضاحت ہوسکے گی۔'
