مسلم تنظیموں نے حکومت سے اس سلسلہ میں تحقیقات کرانے اور مرکزی حکومت کے جاری کردہ رہنما ہدایات کی خلاف ورزی کرنے پر گنٹور ضلع کلکٹر سمول آنند کمار کے خلاف سخت کاروائی کا مطالبہ کیا ہے۔
اطلاعات کے مطابق گنٹور میں رحمانی ہوٹل کے مالک کا 25 اپریل کی رات کو انتقال ہوگیا تھا جبکہ وہ کورونا ٹسٹ میں مثبت پائے گئے تھے اور ان کے ارکان خاندان کو کورنٹائن کردیا گیا تھا تاہم عہدیداروں نے مسلم شخص کی لاش کو ہندو طریقہ کے مطابق جلادیا۔
ایک ہفتہ قبل بھی ایک مسلم میت کو بھی ہندو رسم کے مطابق جلادیا گیا تھا۔
مسلم تنظیموں نے وزیراعلیٰ وائی ایس جگن موہن ریڈی کو ایک مکتوب روانہ کرتے ہوئے ضلع کلکٹر کی معطلی اور ان کے خلاف مقدمہ درج کرنے کا مطالبہ کیا ہے۔
واضح رہے کہ مرکزی اور ریاستی حکومتوں کی جانب سے اس سلسلہ میں واضح احکامات جاری کئے گئے ہیں کہ کورونا وائرس سے فوت ہونے والے شخص کی آخری رسومات مذہبی عقاد کی بنیاد کے عین مطابق انجام دی جائیں۔ تاہم آندھراپردیش میں 31 کورونا متاثرین کی لاشوں کی ان کے مذہبی عقائد کے مطابق آخری رسومات انجام دی گئیں۔
