آندھرا پردیش کے ضلع کاکینیڈامیں ایک نامعلوم شخص نے گھر میں سو رہی پانچ سالہ معصوم بچی کو اغوا کر کے اس کے ساتھ عصمت دری کی۔
پولیس کے مطابق گولی پیٹا علاقے کا رہائشی پیلی راجو جو پیشے سے مزدور ہے اور بیوی تعلیم کے سلسلہ میں حیدرآباد میں مقیم ہے۔ ان کی دو بیٹیاں جو اپنے گاؤں میں دادا دادی کے ساتھ رہتی ہیں، منگل کی شب جب گھر کے افراد سو چکے تھے تبھی ایک نامعلوم شخص گھر میں گھس کر ایک لڑکی کو اغواء کرلیا اور اس کے ساتھ عصمت دری کی اور پھر قبرستان میں اسے پھینک دیا۔
صبح کے وقت جب ایک راہگیر کی نظر اس لڑکی پر پڑی تو لڑکی پوری زخمی تھی اس کے جسم سے خون بہہ رہا تھا جس کے بعد راہگیر نے لڑکی کو پہچان کر اسےگھر والوں کے حوالے کیا اہل خانہ نے متاثرہ کو فورا کاکینیڈا ہسپتال میں داخل کرایا، جہاں لڑکی زیرعلاج ہے۔
ڈسٹرک ایس پی عدنان نعیم عاصمی نے بچی کی عیادت کی اور ڈاکٹروں سے بچی کو بہتر علاج فراہم کرانے کا حکم دیا۔ اور متاثرہ کے اہل خانہ کو یقین دہانی کرائی کہ ملزم جلد از جلد پولیس کی حراست میں ہوگا۔
