نو تشکیل شدہ ریاست آندھراپردیش کے ہائی کورٹ کے لیے جسٹس جیتندر سنگھ مہیشوری نے پہلے چیف جسٹس کے طورپر حلف لیا۔ گورنر وشوابھوشن ہری چندن نے ان کو حلف دلایا۔
اس تقریب میں نئے چیف جسٹس کے ارکان خاندان، کارگزار چیف جسٹس پراوین کمار، وزیراعلی جگن موہن ریڈی،چیف سکریٹری اور دوسروں نے بھی شرکت کی جو وجئے واڑہ کے تُملاپالی کلاکشیتر میں پیر کی صبح منعقد کی گئی تھی۔
جسٹس مہیشوری کی پیدائش 29جون 1961کو ہوئی تھی۔
انہوں نے 22نومبر1985کو وکیل کے طورپر اپنا اندراج کروایا۔انہوں نے مدھیہ پردیش ہائی کورٹ میں دیوانی، فوجداری اور دستوری معاملات کی پیروی کی۔
جسٹس جیتندر سنگھ مہیشوری 25 نومبر2005میں مدھیہ پردیش ہائی کورٹ کے ایڈیشنل جج مقرر کیے گئے تھے۔اس کے بعد 2008 میں وہ مستقل جج بنائے گئے۔
مہیشوری 28جون 2023کو اے پی ہائی کورٹ کے چیف جسٹس کے طورپر سبکدوش ہوں گے۔
