آندھرا پردیش سے تعلق رکھنے والی سریشا بانڈلا خلا میں پرواز کرنے جارہی ہیں۔ امریکہ کی معروف نجی خلائی ایجنسی 'ورجن گیلیکٹک' کے چھ افراد خلا میں جائیں گے جس میں سریشا بانڈلا بھی شامل ہیں۔
ورجن گیلیکٹک نے 11 جولائی کو اپنا خلائی جہاز 'یونیٹی -22' لانچ کرنے کا اعلان کیا ہے۔ خلا میں پرواز کے ساتھ ہی سریشا یہ کارنامہ سرانجام دینے والی تیلگو نژاد پہلی خاتون بن جائیں گی۔ خلائی سفر کے دوران سریشا کا کام تحقیق سے متعلق ہوگا۔
آپ کو بتا دیں کہ سریشا بانڈلا نے واشنگٹن میں ایرو اسپیس اور اسٹرو ناٹیکل انجینئرنگ سے گریجویشن کیا۔ جارج واشنگٹن یونیورسٹی سے ایم بی اے کرنے کے بعد سریشا سنہ 2015 سے ورجن گیلیکٹک میں کام کررہی ہیں۔'
یہ بھی پڑھیں: چھٹویں جماعت کے طالب علم نے عالمی ریکارڈ قائم کیا
سریشا بانڈلا کی پیدائش آندھراپردیش کے ضلع گنٹور میں ہوئی تھیں۔ نواسی کے کارنامے پر سریشا کے دادا بہت خوش ہیں کیونکہ سریشا خلا میں جانے والی تیلگو نژاد پہلی خاتون ہونے کا ریکارڈ قائم کرنے جارہی ہیں۔
انہوں نے بتایا کہ 'سریشا کے والد مرلی دھر نے پلانٹ پیتھالوجی میں پی ایچ ڈی کی اور 1989 میں امریکہ چلے گئے۔
