حیدرآباد: ریاست آندھرا پردیش کے ضلع سریکاکلم میں پیش آئے سڑک حادثہ میں باپ اور بیٹا دونوں ہلاک ہوگئے۔ یہ حادثہ نندی گاما منڈل کے پدانائیڈوپیٹ میں اُس وقت پیش آیا جب ان کی تیز رفتار کار، قومی شاہراہ کے بریج کی دیوار سے ٹکرا گئی۔ تفصیلات کے مطابق ویزاگ سے تعلق رکھنے والا رمیش پالسا اسپتال کے سپرنٹنڈنٹ کے طور پر خدمات انجام دیا کرتا تھا۔ یہ حادثہ اتنا خطرناک تھا کہ رمیش اور اس کا بیٹا سنکلپ موقع پر ہی ہلاک ہوگئے جب کہ سپرنٹندنٹ کی بیوی پرسنا لکشمی اور بیٹی سائرہ شدید زخمی ہوگئے۔ ان کو علاج کے لیے اسپتال منتقل کردیا گیا۔ Road Accident in Andhra Pradesh
مقامی افراد نے اس بات کی اطلاع پولیس کو دی جس کے بعد پولیس وہاں پہنچی جس نے ضابطہ کی کارروائی کی۔ پولیس نے لاشوں کو پوسٹ مارٹم اور زخمیوں کو علاج کے لیے اسپتال منتقل کردیا۔ پولیس نے شبہ ظاہر کیا کہ گاڑی چلانے کے دوران، نیند کا غلبہ ہونے کے نتیجہ میں یہ خطرناک حادثہ پیش آیا۔ پولیس نے اس خصوص میں ایک معاملہ درج کرکے جانچ شروع کردی ہے۔
یہ بھی پڑھیں: Telangana Road Accident جگتیال سڑک حادثے میں دو افراد ہلاک
یو این آئی
