سنٹرل ایڈمنسٹریٹیو ٹریبونل (کیاٹ)نے وائی ایس جگن موہن ریڈی کی زیر قیادت آندھرا پردیش حکومت کو دھچکہ پہنچاتے ہوئے آئی آر ایس عہدیدار جے کرشنا کشور کی معطلی کے احکام کو منسوخ کرنے کی ہدایت دی۔
ٹریبونل نے منگل کو اس حوالے سے احکامات جاری کئے جس کے بعد کرشنا کشور، سنٹرل سرویسز میں واپس ہوسکتے ہیں
کیاٹ نے حکومت پر زور دیا کہ وہ کرشنا کشور کے خلاف معاملات میں قانون کے مطابق کام کرے۔ کرشنا کشور جو تلگو دیشم پارٹی کے دور میں معاشی ترقی کے کونسل کے سی ای او تھے، کو تلگو دیشم حکومت میں رشوت خوری کے الزامات کے بعد جگن حکومت نے معطل کر دیا تھا۔ ان کے خلاف اے پی حکومت نے ایک معاملہ بھی درج کیا تھا تاہم کیاٹ نے کشور کی معطلی کو برخواست کرنے کے احکام جاری کئے۔
