آندھرا پردیش میں پھر ایک کسان کی موت

آندھرا پردیش کے موجودہ دارالحکومت امراوتی کی منتقلی پر مایوس کسانوں کی موت میں مزید اضافہ ہوا ہے۔ آج بھی ایک مایوس کسان کا دل کا دورہ پڑنے سے موت ہوگئی۔

امراوتی کے رایا پوڑی کے کسان 36 سالہ رام بابو کی دل کا دورہ پڑنے سے موت ہوگئی۔

وہ دارالحکومت کی منتقلی پر کافی مایوس تھے اور اس خصوص میں گزشتہ چند دنوں سے کیے گئے احتجاج میں شامل تھے۔

یہ ساری باتیں ان کے اہل خانہ نے بتائی۔ اس کسان کی موت پر کسانوں نے افسوس کا اظہار کیا اور اس کے مکان پہنچ کر کسانوں کے ساتھ ساتھ مختلف سیاسی لیڈروں نے اس کا آخری دیدار کیا۔

وہیں غمزدہ ارکان خاندان سے تعزیت کا اظہار کیا۔