محکمہ صحت کی جانب سے نئے معاملات کے سلسلہ میں بلیٹن جاری کیاگیا ہے۔
نئے معاملات کے ساتھ ہی کورونا وائرس کے مریضوں کی ریاست میں تعداد بڑھ کر757تک جاپہنچی ۔
گذشتہ 24گھنٹوں کے دوران یہ نئے معاملات سامنے آئے ہیں
۔سب سے زیادہ معاملات گذشتہ 24گھنٹوں کے دوران ضلع کرنول میں آئے ہیں جہاں کے دس افراد اس وبا سے متاثر ہوئے ہیں۔
دوسرے نمبر پر ضلع گنٹور رہا ہے جہاں 9معاملات کورونا وائرس کے درج کئے گئے ہیں۔
تیسرے نمبر پر ضلع کڑپہ رہا ہے۔
اس ضلع میں 6نئے معاملات درج کئے گئے ہیں۔
ریاست کے سات اضلاع وجیانگرم،وشاکھاپٹنم،سریکاکلم،پرکاشم،نیلور،مشرقی گوداوری اور چتور میں گذشتہ 24گھنٹوں کے دوران کوئی بھی نیامعاملہ درج نہیں ہوا ہے
جب کہ بہ حیثیت مجموعی 184معاملات کے ساتھ سب سے آگے ضلع کرنول ہے۔
دوسرے نمبر پر ضلع گنٹور ہے جہاں 158معاملات درج کئے گئے ہیں۔
وجیانگرم اور سریکاکلم اضلاع میں ہنوز ایک بھی کورونا کا معاملہ سامنے نہیں آیا ہے۔
اب تک 96افراد روبہ صحت ہوگئے ہیں جن کو گھرجانے کی اجازت دے دی گئی ہے۔
سب سے زیادہ روبہ صحت ہونے والے افراد کڑپہ ضلع کے ہیں جہاں کے 19افراد روبہ صحت ہوئے ہیں۔ریاست میں اس موذی مرض سے مرنے والوں کی تعداد 22تک جاپہنچی ہے۔
