حال ہی میں مرکزی حکومت نے اوڈیشہ سے تعلق رکھنے والے بھارتیہ جنتا پارٹی کے سینیئر رہنما ہری چندن کو آندھرا پردیش کا گورنر نامزد کیا ہے۔ وہ 24جولائی کو اپنے عہدے کا حلف لیں گے۔
نئے گورنر کے طور پر نامزد کرنے کے بعد ہری چندن پہلی بار 23جولائی کو تروملا میں پوجا کریں گے۔ ان کے دورے کے سلسلے میں بہتر انتظامات کیے گئے ہیں۔
اس ضمن میں کلکٹر نارائن بھرت گپتا نے پروٹوکول کے مطابق عہدیداروں کو ہدایات جاری کی ہیں۔
نئے گورنر 23 جولائی کو صبح میں 10 بجے خصوصی طیارے کے ذریعے رینی گنٹہ ایئرپورٹ پہنچیں گے۔ وہاں سے وہ خصوصی گاڑی میں تروملا جائیں گے اور پوجا کریں گے۔
بعد ازیں وہ سہ پہر تین بجے رینی گنٹہ ایئرپورٹ پہنچیں گے اور وہاں سے وہ بذریعہ طیارہ وجے واڑہ پہنچیں گے۔
