آندھراپردیش کے ضلع چتور میں زرعی باولی میں چارلاشیں پائی گئیں جس سے سنسنی پھیل گئی۔
یہ واقعہ ضلع کے پونگانورومنڈل میں پیش آیا۔ ان چار لاشوں میں ایک لاش خاتون کی ہے جبکہ تین دیگر دس برس کی عمر کے بچوں کی ہیں۔
مقامی افراد نے ان لاشوں کو دیکھ کر فوری طورپر مقامی پولیس کو اطلاع دی جس کے بعد پولیس نے ماہر تیراکوں کی مددسے ان لاشوں کو نکلوایا اور ان کو پوسٹ مارٹم کے لئے بھیج دیا۔
پولیس نے شبہ ظاہرکیا کہ یہ افراد ایک ہی خاندان کے ہیں۔ان میں خاتون ان بچوں کی ماں ہوسکتی ہے۔پولیس نے شبہ ظاہر کیا کہ ان افراد نے خودکشی کی ہے۔یہ لاشیں مسخ شدہ حالت میں ہیں۔
پولیس نے اس سلسلہ میں ایک معاملہ درج کرلیا اور لاشوں کو پوسٹ مارٹم کے لئے بھیج دیا۔
