اننت پور میں سڑک حادثہ، جوان جوڑا ہلاک

ریاست آندھرا پردیش کے ضلع اننت پور میں پیش آئے سڑک حادثہ میں ایک جوان جوڑا ہلاک اور ان کی ڈیڑھ سالہ بچی زخمی ہوگئی ہے۔

یہ حادثہ ضلع کے اورواکنڈہ گاؤں کے قریب اُس وقت پیش آیا جب نامعلوم گاڑی نے ان کی موٹر سائیکل کو ٹکر دے دی۔

پولیس نے کہا کہ 28 سالہ کیشو نائک اپنی بیوی 26 سالہ ورلی بائی اور ڈیڑھ سالہ بچی کے ساتھ وجرا کارورومنڈل کے بوداسانی پلی کی سمت جا رہا تھا۔ یہ جوڑا اپنے آبائی مقام جا رہا تھا تاکہ کورونا وائرس کے لاک ڈاون کی پابندیوں سے بچا جا سکے۔