ان وکلا نے اس موقع پر میڈیا سے بات کرتے ہوئے کہاکہ اگر ہائی کورٹ کو یہاں سے منتقل کیا گیا تو عوام کو کافی دشواریوں کا سامنا کرنا پڑے گا۔ یہ ریلی وجئے واڑہ کورٹ سے نکالی گئی۔
ان احتجاجی وکلا نے کہاکہ ہائی کورٹ کو کرنول منتقل کرنے کی اطلاعات سامنے آرہی ہیں جس کی وہ مذمت کرتے ہیں اور حکومت سے مطالبہ کرتے ہیں کہ ہائی کورٹ کو یہاں سے منتقل نہ کیاجائے۔
انہوں نے زوردیتے ہوئے کہاکہ ریاست کے تین دارالحکومتوں کے قیام کے ساتھ ساتھ ہائی کورٹ کو منتقل کرنے کی تجویز کو بھی واپس لیاجائے۔ وکلا کے اس احتجاج کی حمایت اپوزیشن تلگودیشم کے لیڈر دیوی نینی اوما مہیشور راو، بی اوما نے حمایت کی۔
اس موقع پردیوی نینی اوما مہیشور راو نے میڈیا سے بات کرتے ہوئے کہا کہ وکلا کی مکمل حمایت ان کی پارٹی کرتی ہے۔
