اراضی معاملے میں ہلاک شدہ شخص کی شناخت 21 سالہ نوجوان اشفاق احمد شیخ ولد غلام نبی شیخ کے بطور ہوئی حالانکہ پولیس نے اس سلسلے میں معاملہ درج کرنے کے بعد تحقیقات شروع کر کے 9 افراد کو حراست میں لیا تھا جو ابھی کوکرناگ پولیس تھانے میں بند ہیں۔ تاہم پانچ ملزمان ابھی بھی پولیس کی گرفت سے باہر ہیں جن میں چار خواتین بھی شامل ہیں جبکہ ایک شخص گھر پر ہی کورینٹین ہے۔
ذرائع کے مطابق تنازع زمین کو لے کر ہوا تھا تاہم اہل خانہ نے اس بات سے انکار کیا ہے۔ اہل خانہ کے مطابق قتل میں ملوث افراد نے پورے علاقہ میں ڈر کا ماحول پیدا کر رکھا ہے۔ اہل خانہ کا کہنا ہے کہ جو بھی اُن کے یہاں تعزیت کے لئے جاتا ہے تو اُنہیں قاتلوں کے رشتہ داروں کی جانب سے ہراساں کیا جاتا ہے۔
واضح رہے کہ مہلوک نوجوان علاقہ میں گیس ایجنسی چلاتا تھا۔
لواحقین نے پولیس انتظامیہ سے گزارش کی ہے کہ جو ملزمان پولیس کی گرفت سے باہر ہیں۔ ان کو بھی جلد از جلد حراست میں لے کر کڑی سے کڑی سزا دلوائیں تاکہ مہلوک کے اہل خانہ کو انصاف ملے۔
