اننت ناگ: جنوبی کشمیر کے ضلع اننت ناگ میں بدھ کی شام آگ بجھانے والے سیلنڈر میں دھماکے سے ایک نوجوان ہلاک ہوگیا۔ نوجوان کی شناخت بڈر کوکرناگ کے احتشام حسین وانی ولد عبدالرحمان وانی کے طور پر ہوئی ہے۔ youth killed in fire extinguisher cylinder explosion in Anantnag
تفصیلات کے مطابق مذکورہ نوجوان قصبہ اننت ناگ کے گانجی واڑہ جنگلات منڈی علاقہ میں کراس فائر سیفٹی شاپ میں کام کر رہا تھا، اسی دوران فائر ایکسٹنگشر میں اچانک ایک زور دار دھماکہ ہوا جس کی زد میں آکر احتشام کی موقع پر ہی موت واقع ہوگئی۔ لاش کو جی ایم سی اننت ناگ لے جایا گیا اور طبی قانونی کارروائیوں کے بعد اسے لواحقین کے سپرد کر دیا گیا۔
