اننت ناگ: جموں و کشمیر انتظامیہ نوجوانوں کو منشیات سے دور رکھنے کے لیے مخلتف پروگرامز کا انعقاد کر رہی ہے۔ وہیں محکمہ یوتھ اینڈ اسپورٹس جموں و کشمیر کے مختلف اضلاع میں کھیلوں کے مختلف پرواگرامز کا انعقاد کررہا ہے۔ ان پروگرامز میں لڑکے اور لڑکیاں بڑھ چڑھ کر حصہ لے رہی ہیں۔ Wushu Championship In Anantnag
اسی کڑی کے تحت اننت ناگ میں ڈسٹرکٹ چیمپیئن شپ کا انعقاد کیا گیا۔ اس مارشل آرٹ چیمپیئن شپ میں تقربیاً 800 کھلاڑیوں نے شرکت کی۔ چیمپیئن شپ میں عالمی وشو چیمپئن سعدیہ طارق، اسپورٹس کونسل کی سکریٹری نزہت گل اور دیگر افسران نے شرکت کی۔کشمیری نوجوان اور بچے کھیلوں میں دلچسپی کے ساتھ ساتھ اب مارشل آرٹس کی طرف بڑے پیمانے پر راغب ہو رہے ہیں اور نامناسب انفراسٹرکچر کے باوجود بھی مارشل آرٹ کی تربیت حاصل کر رہے ہیں۔
مزید پڑھیں:
منتظمین کے مطابق اس طرح کے بڑے کھیل مقابلے کے اہتمام کا مقصد کشمیری نوجوانوں اور بچوں کو کھیلوں کی جانب راغب کرنا ہے تاکہ وہ کھیلوں میں اپنا نام کمائیں۔ واضح رہے کہ یہ چیمپئن شپ ڈسٹرکٹ وشو ایسوسی ایشن اور ایف ایس ایل ڈی کے اشتراک سے بجبہاڑہ کے انڈور اسٹیڈیم میں منعقد ہوئی۔
