عالمی وائٹ کین دن کے موقع پر ضلع اننت ناگ کے بائز ڈگری کالج میں ہیومینٹی ویلفیئر آرگنائزیشن ہیلپ لائن کی جانب سے ایک تقریب کا انعقاد کیا گیا۔ تقریب میں ہیومینٹی ویلفیئر آرگنائزیشن ہیلپ لائن کے ذریعہ تربیت پانے والے کثیر تعداد میں نابینا بچوں نے حصہ لیا۔ اس موقع پر مصوری مقابلہ کا بھی اہتمام کیا گیا۔
تقریب میں اسسٹنٹ کمشنر ریوینیو سید یاسر مہمان خصوصی کے طور پر موجود رہے جبکہ اس موقع پر ہیومینٹی ویلفیئر آرگنائزیشن ہیلپ لائن کے چیئرمین جاوید احمد ٹاک سمیت کئی لوگ موجود تھے۔
مصوری مقابلہ میں بہتر کارگردگی کا مظاہرہ کرنے والے کئی بچوں کو انعامات اور اسناد سے نوازا گیا۔ تقریب کے بعد سید یاسر اور جاوید احمد ٹاک نے کہا کہ اس دن کے منانے کا مقصد نابینا افراد میں حوصلہ بڑھانا ہے تاکہ وہ اپنی کمزوری کو اپنے مستقبل پر ہاوی نہ ہونے دیں۔
یہ بھی پڑھیں: سرینگر – جموں قومی شاہراہ پر ٹریفک معطل
دراصل نابینا لوگ جو چھڑی استعمال کرتے ہیں آج اس کا عالمی دن منایا جاتا ہے۔ یہ چھڑی تقریبا 100 سال پہلے ایک شخص نے استعمال کی تھی جس نے ماؤنٹ ایوریسٹ کو پار کیا تھا۔ اس کے تناظر میں یہ دیکھا گیا کہ یہ چھڑی معمولی نہیں ہے۔ اس چھڑی میں نابینا افراد کو خودمختار بنانے کی قابلیت ہے۔
آج کا دن اسی کی طرز پر منایا جاتا ہے کہ جو معذور افراد ہیں وہ خودمختار ہو سکیں۔ وہ اپنے لیے کام کر کے روزگار کما سکیں۔
