عالمی یوم تپ دق کے سلسلے میں ضلع اننت ناگ کے ٹاؤن ہال میں ایک تقریب منعقد کی گئی۔
تقریب میں ایڈشنل ڈپٹی کمشنر اننت ناگ شیخ غلام حسن مہمان خصوصی کے طور پر موجود رہے، جبکہ چیف میڈیکل افسر، ڈسٹرکٹ ٹیوبر کلوسز افسر سمیت محکمہ صحت کے مختلف شعبہ جات سے تعلق رکھنے والے افسران، میڈیکل کالج کے طلبہ، آشا ورکرس کے علاوہ عام لوگوں نے شرکت کی۔
اے ڈی سی نے اپنے خطاب کے دوران پیشہ ور افراد ،انتظامیہ اور عام لوگوں کے مابین زیادہ سے زیادہ تال میل پیدا کرنے پر زور دیا تاکہ ٹی بی کا خاتمہ جڑ سے ممکن ہو سکے۔
انہوں نے کہا کہ اس سلسلہ میں عوام میں شعور اجاگر کرنے اور انہیں بیدار کرنے کی ضرورت ہے۔ شیخ نے کہا کہ کووڈ19 کی لڑائی کی طرح ایک حکمت عملی کے تحت ٹی بی کے خاتمے کو ممکن بنانے کی ضرورت ہے
ٹی بی کے خاتمے سے متعلق پیش رفت کے بارے میں جانکاری فراہم کرتے ہوئے، سی ایم او اننت ناگ ڈاکٹر مختار نے کہا کہ ضلع میں سنہ 2020 میں 423 مریضوں کو نکشے یوجنا اسکیم کے تحت 846000 روپئے فراہم کیے گئے ہیں۔
