اننت ناگ: سڑک حادثے میں ماں ہلاک، بچی زخمی

جموں و کشمیر کے ضلع اننت ناگ کے سلر پہلگام کے مقام پر ایک دلدوز سڑک حادثہ پیش آیا جس دوران موقع پر ہی ایک 62 سالہ عورت ہلاک جبکہ اس کی نو سالہ بیٹی زخمی ہوئی ہے۔

تفصیلات کے مطابق یہ حادثہ اس وقت پیش آیا جب ایک تیز رفتار آلٹو کار نے راہ چلتی ہوئی خاتون کو ٹکر مار کر ہلاک کر دیا ہے جبکہ اس کے ہمراہ 9 سالہ بیٹی کو شدید طور پر چوٹیں آئی۔

ہلاک شدگان کی شناخت بیگا زوجہ غلام حسن شاہ ساکنہ لہین دجن کے طور پر ہوئی ہے جبکہ زخمی شدہ بچی کا نام شبنم دختر شبیر احمد بتایا جا رہا ہے۔

زخمی شدہ لڑکی کو اننت ناگ کے جی ایم سی میں منتقل کیا گیا ہے۔