ضلع اننت ناگ کے بیشتر راشن گھاٹوں اور فیر پرائس دکانوں پر نسب آدھار مشینوں کے ناکارہ ہونے کی وجہ سے لوگوں نے راشن سپلائی کے حوالے سے انہیں درپیش مشکلات کی شکایت کی ہے۔
لوگوں کا کہنا ہے کہ بخشی آباد، شیرپور، لازوال سمیت متعدد علاقوں میں ان مشینوں کی وجہ سے راشن حاصل کرتے وقت آدھار لنک میں رکاوٹیں پیدا ہوتی ہیں۔ جس کی وجہ سے انہیں بنا راشن حاصل کۓ ہی گھروں کو لوٹنا پڑتا ہے۔
اکثر راشن گھاٹوں پر آدھار مشینوں کے ناکارہ ہونے کی وجہ سے صارفین کو مشکلات کا سامنا کرنا پڑ رہا ہے۔
یہ بھی پڑھیں: جموں وکشمیر کی آئینی حیثیت کے لیے جدوجہد جاری رہے گی: مصطفی کمال
عام لوگوں کے مطابق پچھلے دو ہفتوں سے اکثر راشن گھاٹوں کی مشینری ناکارہ ہو چکی ہے، جس کی وجہ سے عوام کو کافی مشکلات کا سامنا کرنا پڑ رہا ہے۔
صارفین نے ڈی سی اننت ناگ اور محکمہ فوڈ اینڈ سول سپلائر کے افسران سے فوری مداخلت کی اپیل کی ہے۔ جبکہ اسسٹنٹ ڈائریکٹر فوڈ سپلائز اننت ناگ نے اس مسئلے کا اعتراف کرتے ہوئے یقین دلایا کہ مسلے کا فوری ازالہ کیا جائے گا۔
