پہلگام: این سی کے اویس شیخ بلدیہ کمیٹی کے نئے صدر منتخب

پہلگام میں میونسپل کمیٹی میں اویس احمد شیخ اور تنویرہ بانو دونوں کو بلامقابلہ صدر اور نائب صدر منتخب ہوئے ہیں۔

اویس احمد شیخ بطور صدر اور تنویرا بانو کو ایم سی پہلگام کا نائب صدر منتخب کیا گیا ہے۔ ان کے خلاف دوسری جماعتوں سے کسی نے کاغذات نامزدگی داخل نہیں کیے تھے۔

کاغذات نامزدگی جمع کروانے کی آخری تاریخ کل نو مارچ کو شام چار بجے تک مقرر کی گئی تھی لیکن صرف دو امیدواروں اویس احمد شیخ اور تنویر بانو نے چار بجے تک اپنے فارم جمع کروائے تھے اور آج دونوں امیدواروں کو انتخابی اتھارٹی نے کامیاب قرار دے دیا ہے۔

واضح رہے کہ عدم اعتماد کی تحریک پانچ مارچ 2021 کو میونسپل کمیٹی پہلگام کے ایک خصوصی اجلاس میں 8-0 کے مارجن کے ساتھ منظور کی گئی تھی جس میں 13 کونسلرز میں سے 08 کونسلر خصوصی اجلاس میں شریک تھے۔

بی جے پی کے کسی بھی کونسلر نے اس اجلاس میں شرکت نہیں کی جس کی صدارت تحصیلدار پہلگام نے کی۔