جموں و کشمیر کے جنوبی ضلع اننت ناگ میں اقبال آباد کے مقام پر ایک سڑک حادثہ کے دوران دو افراد زخمی ہو گئے۔
تفصیلات کے مطابق ایک الٹو کار کے پی روڈ اقبال آباد کے مقام پر ڈرائیور کے قابو سے باہر ہو کر ڈیوائیڈر سے ٹکرائی جس دوران کار میں سوار دو افراد زخمی ہو گئے۔ زخمیوں کی پہچان چک پہرو کے رہنے والے فیروز احمد میر، زاہد احمد لون کے بطور ہوئی ہے۔
زخمیوں کو علاج و معالجہ کے لئے فوری طور پر ضلع اسپتال اننت ناگ منتقل کیا گیا جہاں ان کی حالت مستحکم بتائی جا رہی ہے۔
پولیس نے اس سلسلہ میں معاملہ درج کیا ہے۔
