آٹھ کلومیٹر لمبی فور لین قاضی گنڈ - بانہال ٹنل کے سبب سرینگر سے جموں کی مسافت میں قریب 20 کلو میٹر کی کمی واقع ہوگی۔
ماہرین کے مطابق دو ہزار ایک سو (2,100) کروڑ روپے کی لاگت سے تیار کی گئی فور لین ٹنل سردیوں خصوصاً برف باری کے ایام میں بھی ٹریفک کی نقل و حرکت کے لیے کھلی رہے گی۔ جس کے سبب سرینگر - جموں قومی شاہراہ پر سفر مزید آسان ہو پائے گا۔
قابلِ ذکر ہے کہ جون 2011 میں فور لین ٹنل پر کام شروع کیا گیا تھا جسے رواں برس مارچ میں پایہ تکمیل کو پہنچانا تھا۔
مزید پڑھیں: سرینگر - جموں قومی شاہراہ پر حادثہ، 3 افراد زخمی
آفیشلز کے مطابق ٹرائل رن کے کامیاب تجربے کے بعد ٹنل کو عنقریب ہی ٹریفک کی نقل و حمل کے لیے بحال کیا جائے گا۔
