ضلع اننت ناگ کے درپورہ، کھرم علاقہ میں تین مزدور اس وقت شدید طور پر زخمی ہو گئے جب وہ ایک کنواں کھود رہے تھے۔ کھدائی کے دوران کنواں اچانک دھنس گیا جس کی وجہ سے تینوں مزدور ملبے کے نیچے دب گئے۔
مقامی لوگوں نے تینوں مزدوروں کو ملبے سے نکال کر فوری طور پر نزدیکی ہسپتال منتقل کیا تاہم اس دوران زخمی ہوئے ایک نوجوان سبزار احمد کی موت واقع ہو گئی۔
زخمی ہونے والے دیگر دو مزدوروں کی شناخت کھرم درپورہ کے رہنے والے نظیر احمد لون اور شاہد احمد لون کے طور پر ہوئی ہے۔
اطلاعات کے مطابق حادثے میں زخمی ہوئے دو دیگر مزدوروں کی حالت بھی نازک بنی ہوئی ہے اور اس وقت وہ جی ایم سی اننت ناگ میں زیر علاج ہیں۔
