جنوبی ضلع اننت ناگ کے بجبہاڑا میں ٹروما ہسپتال کی تعمیر حال ہی میں مرکزی حکومت کی اسکیم کے تحت مکمل ہوئی، لیکن کورونا وبا نے اس ہسپتال کے کام کاج پر اثر ڈالا ہے۔ فی الحال ہسپتال کو حاملہ خواتین کے لئے کورونا مرکز کے طور پر بروئے کار لایا جا رہا ہے۔
میڈیکل سپرنٹنڈنٹ ڈاکٹر بی ایس تلہ نے بتایا 'وبائی مرض کے دوران ہم نے کورونا مثبت حاملہ خواتین کے لئے اس 100 بستروں پر مشتمل ٹروما ہسپتال کو کورونا سہولت میں تبدیل کر دیا ہے، کیونکہ ہمارے یہاں وینٹیلیٹر جیسی تمام جدید سہولیات میسر ہیں۔'
ہسپتال میں تعینات میڈیکل آفیسر ڈاکٹر ثمرین نے بتایا کہ یہاں حاملہ خواتین کے لئے سبھی جدید سہولیات میسر ہیں۔
انہوں نے کہا 'مجھے اُمید ہے کہ علاقے میں ایسے اور بھی ہسپتال تعمیر کئے جائیں گے تاکہ لوگوں کو علاج و معالجے کے لئے سفر نہ کرنا پڑے اور مزید جانیں بچ جائیں۔'
ناول کورونا وائرس کے علاج کیلئے سری نگر یا اننت ناگ جانے والے مریضوں نے ہسپتال انتظامیہ کا شکریہ ادا کیا۔
سجاد احمد، جن کی اہلیہ کورونا مثبت ہے، کا کہنا تھا کہ یہاں سبھی سہولیات بہم ہیں، جبکہ سرینگر یا اننت ناگ جانا لوگوں کے لئے شوار ہے۔
