وادی جموں و کشمیر کے ساتھ ساتھ پہلگام میں بھی کورونا متاثرین سامنے آئے تھے لیکن ان کی تعداد دیگر جگہوں سے کافی کم تھی۔
پہلگام میں سیاحوں کی واپسی
اس حوالے سے محکمہ صحت عامہ کی جانب سے پہلے ہی انتظامات کئے گئے تھے۔ آج جبکہ گزشتہ دو ہفتوں سے لاک ڈاون میں نرمی کی جارہی ہے اس دوران پہلگام میں مقامی سیاحوں کی آمد میں اضافہ ہورہا ہے۔
اس دوران پہلگام کے تحصیلدار ڈاکٹر محمد حسین کا کہنا ہے کہ 'پہلگام میں ابھی سیاحتی سرگرمیاں مکمل طور پر بند ہیں اور بہت کم مقامی اور غیر مقامی لوگ جو پہلگام میں داخل ہوتے ہیں ان کے لیے پہلگام کے انٹری پوائنٹس لنگنبل میں محکمہ صحت عامہ کی جانب سے کووڈ ٹیسٹ کے لیے ایک سینٹر کا قیام عمل میں لایا گیا جہاں پر مقامی اور غیر مقامی لوگوں اور ملحقہ علاقوں سے آئے لوگوں کے نمونے حاصل کئے جاتے ہیں۔
