اننت ناگ: جموں کشمیر ٹیچرز فورم ضلع اننت ناگ کی جانب سے مختلف مانگوں کو لے کر اچھہ بل کیفٹیریا پارک میں ایک کینڈل مارچ کے ذریعے احتجاج کیا۔ احتجاج میں ضلع اننت ناگ کے مختلف علاقوں سے تعلق رکھنے والے سرکاری اساتذہ کی ایک خاصی تعداد نے شرکت ی۔ اساتذہ کا کہنا تھا کہ وہ گزشتہ کئی برسوں سے محنت اور تندہی سے اپنے فرائض انجام دے رہے ہیں تاہم اس کے باوجود انہیں پروموشن، اجرتوں میں اضافہ اور اولڈ پنشن اسکیم سے محروم رکھا جا رہا ہے۔ Teacher forum Holds Candle March Protest in Anantnag
احتجاجیوں کا کہنا ہے کہ سی پی ڈبلیو سمیت یومیہ اجرت پر کام کر رہے دیگر عارضی ملازمین کو مستقل نہیں کیا جا رہا ہے جس کے سبب ملازمین کو گونا گوں مشکلات کا سامنا کرنا پڑ رہا ہے۔ انہوں نے مزید کہا کہ قلیل تنخواہ کے سب انہیں اہل وعیال کی کفالت کرنے میں کافی دشواری ہوتی ہے، اور مہنگائی کے اس دور میں بڑی مشکل سے ان کا گزارا ہو پتا ہے۔ انہوںنے دعویٰ کیا کہ بعض اوقات وہ اپنے بچوں کی فیس ادا کرنے سے بھی قاصر رہتے ہیں۔‘‘
- مزید پڑھیں: Baramulla Candle Light March بارہمولہ میں جموں و کشمیر ٹیچرز فورم کی جانب سے پرامن احتجاج
احتجاج میں شرکت کرنے والے اساتذہ نے انتظامیہ سے اپیل کی کہ وہ ان کی جائز مانگوں کی طرف غور کریں تاکہ تمام اساتذہ کے حقوق کی بازیابی کو یقینی بنایا جا سکے۔
