اننت ناگ: اُربن اینورانمٹ انجینئرنگ ڈپارٹمنٹ (یُو ای ای ڈی) کے چیف انجینئر کی ہدایت کے مطابق کشمیر ڈویژن کے تمام ایس ٹی پیز پر صفائی مہم کا انعقاد کیا گیا۔یہ مہم مہاتما گاندھی کی یوم پیدائش کے موقعہ پر سوچھ بھارت مشن کے طور پر چلائی گئی۔اس سلسلہ میں ضلع اننت ناگ کے مہندی کدل میں موجود ایس ٹی پی عملہ کی جانب سے صفائی مہم کا انعقاد کیا گیا، جس میں، یُو ای ای ڈی، ایس ٹی پی کے ملازمین سمیت انجینئرس صفائی مہم کا حصہ بنے۔
ایس ٹی پی سے وابستہ عملہ نے ایس ٹی پی کے گردونواح سمیت آرپتھ نالہ کے کناروں کی صفائی عمل میں لائی، جس دوران آرپتھ ندی کے کناروں پر پڑے کوڑا کرکٹ کو جمع کیا گیا اور کناروں کو مکمل طور پر صاف کیا گیا۔
مزید پڑھیں: LG Launches Cleanliness Campaign: منوج سنہا نے دیا ماحول کو صاف رکھنے پر زور
مہم میں سرینگر سے وابستہ اربن اینورانمٹ انجینئرنگ ڈپارٹمنٹ کے ملازمین 4 ایم ایل ڈی، سیویج ٹریٹمنٹ پلانٹ مہندی کدل کے ملازمین سمیت انجینئرنگ ونگ نے صفائی مہم میں حصہ لیا اور مہم کو کامیابی سے انجام دیا گیا جس کی صدارت انجینئر ڈاکٹر بشارت کر رہے تھے۔مہم سوچھ بھارت مشن کے تحت، گندگی سے پاک بھارت مہم کی غرض سے انجام دی گئی۔
