اننت ناگ: بچوں کا ڈی ایم آفس کے سامنے احتجاج

محکمہ تعلیم نے بچوں کے اسکول کو دوسرے گاؤں میں منتقل کیا ہے۔

جنوبی کشمیر کے ضلع اننت ناگ کے ڈورو شاہ آباد میں اسکولی بچوں نے والدین کے ہمراہ اسکول عمارت نہ ہونے کے سلسلے میں ایس ڈی ایم آفس کے سامنے احتجاج کیا۔

طلبا نے کہا کہ محکمہ تعلیم نے ان کا اسکول گاؤں شیشتر گام سے تقریباً ایک کلو میٹر دور دوسرے اسکول منتقل کردیا ہے جس کی وجہ سے انہیں پرُخطر راستوں سے اسکول جانا پڑتا ہے، جہاں جنگلی جانور اکثر و بیشتر گھومتے رہتے ہیں۔

احتجاج کر رہے طلبا نے مطالبہ کیا کہ اسکول گاؤں میں ہی چلایا جائے تاکہ انہیں پریشانیوں کا سامنا نہ کرنا پڑے۔