ضلع اننت ناگ کے رانی پورہ علاقے میں فوج کی 18 آر آر کی جانب سے سڑک کے کنارے ایک سٹریٹ لائبریری کا قیام عمل میں لایا گیا۔
اس لائبریری میں مختلف قسم کی کتابیں رکھی گئی ہیں۔ اس میں کتابوں کے ساتھ ساتھ میگزین اور اخبارات بھی عوام کو دستیاب کرائے جائیں گے۔
فوج کے اس اقدام کو مقامی لوگوں نے کافی سراہا اور امید ظاہر کی کہ مستقبل میں اس طرح کے اور بھی پروگرام عمل میں لائے جائیں جو یہاں کے غریب، بے روزگار نوجوانوں کے لیے تعلیمی اور تجارتی اعتبار سے سود مند ثابت ہوں۔
واضح رہے کہ رانی پورہ ایک پسماندہ علاقہ تصور کیا جاتا ہے، جہاں کے لوگ بنیادی سہولیات کے ساتھ ساتھ علم و آگاہی سے بھی محروم رہتے ہیں۔ اب امید کی جا سکتی ہے کہ اس لائبریری کے قیام سے یہاں کے نوجوانوں کو کافی فائدہ حاصل ہوگا۔
یہ بھی پڑھیں: ’ہم بھی انسان ہیں، ہمیں پانی چاہئے‘
لوگوں کے مطابق اس لائبریری کے وجود سے یہاں کے نوجوان غلط کاموں کی طرف راغب ہونے کے بجائے کتابیں پڑھنے میں مشغول رہیں گے۔ اس کی وجہ سے یہاں کی نئی نسل کو پڑھائی کی طرف رجہان بڑھے گا۔
