یہ مقابلہ ضلع اننت ناگ کے حنفیہ اسکول لالچوک میں منعقد کیا گیا۔ مقابلے کا افتتاح ضلع ترقیاتی کمشنر اننت ناگ بشیر احمد ڈار نے کیا۔
اننت ناگ میں کھیل مقابلے کا انعقاد
مقابلہ میں ضلع کے سولہ بلاکس کے مختلف اسکولوں کے اسّی سے زائد طلبا نے حصہ لے کر چیس اور کیرم کھیلا۔
ای ٹی وی بھارت سے بات کرتے ہوئے محکمہ یوتھ کے افسر نے کہا کہ 'اس طرح کے پروگرام کا مقصد کھیل کود میں دلچسپی رکھنے والے نوجوانوں کی صلاحیتوں کو اجاگر کرنا اور انہیں آگے بڑھنے کے لئے بہتر پلیٹ فارم مہیا کرانا ہے تاکہ وہ ملکی و بین الاقوامی سطح پر اپنی صلاحیتوں کا بھرپور مظاہرہ کر سکیں۔'
طلبا نے محکمہ یوتھ سروسز اینڈ اسپورٹس انتظامیہ کا شکریہ ادا کیا۔
انہوں نے کہا کہ اس طرح کے اقدام سے نوجوانوں کا ٹیلنت ضائع نہیں ہوگا وہیں نوجوانوں کو منشیات اور سماجی برائیوں سے بھی دور رکھنے کا ایک بہترین ذریعہ ہے۔
