سری نگر: جنوبی کشمیر کے ضلع اننت ناگ کے مین بازار قاضی گنڈ میں آتشزدگی کے واقعے کے دوران ریڈی میڈ گارمنٹس دکان پوری طرح سے خاکستر ہو گئی، وہیں لاکھوں روپیہ مالیت کا سامان راکھ کے ڈھیر میں تبدیل ہو گیا۔ اطلاعات کے مطابق قاضی گنڈ مین بازار میں درمیانی شب دکان میں اچانک آگ لگ گئی جس نے آناً فاناً پوری دکان کو اپنی زد میں لے لیا۔ معلوم ہوا ہے کہ فائر اینڈ ایمرجنسی کی بروقت کارروائی کے نتیجے میں گر چہ آگ پر قابو پایا گیا تاہم آتشزدگی کے اس واقعے میں وانی ریڈ میڈ گارمنٹس نام کی یہ دکان پوری طرح سے خاکستر ہو گئی۔
- یہ بھی پڑھیں: Grid Station Partially Damaged in Fire قاضی گنڈ میں آگ لگنے سے گرڈ اسٹیشن کو جزوی نقصان
دکان کے مالک پرویز وانی نے یو این آئی اردو کو بتایا کہ آگ کی اس واردات میں چالیس سے پچاس لاکھ روپیہ کے گارمنٹس تباہ ہوئے۔ ان کے مطابق عمر بھر کی جمع پونجی ضائع ہوئی۔ انہوں نے مزید بتایا کہ پولیس نے آگ لگنے کی وجوہات جاننے کی خاطر کیس درج کیا ہے۔ دریں اثنا مقامی لوگوں نے ضلع انتظامیہ سے مطالبہ کیا کہ وانی ریڈ میڈ گارمنٹس کی مالی معاونت فراہم کی جائے تاکہ وہ دوبار اپنا کاروبار شروع کرسکیں۔ واضح رہے کہ سال 2022 کے دسمبر ماہ میں ضلع اننت ناگ کے قاضی گنڈ کے ہلر علاقے میں آتشزدگی کا واقعہ پیش آیا تھا۔ پیر پنچال ٹنل کے قریب واقع گرڈ اسٹیشن میں اچانگ آگ لگ گئی جس نے گرڈ کے کچھ حصہ کو اپنی زد میں لے لیا۔ حالانکہ کسی جانی نقصان کی کوئی اطلاع نہیں ہوئی تھی۔
یو این آ ئی
