جنوبی کشمیر کے اننت ناگ میں پٹریوں سے چھاپڑی فروشوں کو ہٹانے اور انکی بازآبادکاری کی غرض سے اب پرانے مٹن اڈے میں نئے مارکیٹ کو قائم کیا گیا ہے۔
اس سلسلے میں میونسپل کونسل اننت ناگ کے صدر ہلال احمد شاہ نے نئے مارکیٹ کا جائزہ لیا اور ریڈے بانوں سے تبادلہ خیال کیا۔
اننت ناگ میں چھاپڑی فروشوں کے لئے بنایا گیا الگ مارکیٹ
شاہ نے لوگوں سے اپیل کی کہ اس مارکیٹ میں ضرورت زندگی کا ہر ایک سامان میسر رکھا جائے گا اور یہ مارکیٹ رات دیر گئے تک کھلا رہے گا۔ اننت ناگ کے عوام سے گزارش کی گئی کہ وہ مارکیٹ میں خریداری کے لئے آئے جس سے ان کے روزگار میں اضافہ ہو جائے گا۔
وہیں دوسری جانب چھاپڑی فروشوں نے کافی خوشی کا اظہار کرتے ہوئے کہا ضلع میں ایسے اور مارکیٹ ہونے چاہئے جہاں پر چھاپڑی فروش اپنا روز گار کما سکے اور سڑکوں پر ٹریفک کی نقل وحمل بھی بنا خلل جاری رہے۔
