اننت ناگ کے براکپورہ شانگس علاقہ میں پارٹی کارکنان کے اجلاس سے خطاب کے بعد صوفی یوسف BJP leader Sufi Yousuf نے کہا کہ بی جے پی نے پہلے ہی جموں کشمیر کے انتخابات Jammu and Kashmir Elections اور ریاستی درجے کے لیے حامی بھری ہے۔
ایسے میں محبوبہ مفتی بلاوجہ اس طرح کے مسائل اٹھا رہی ہیں۔ انہوں نے کہا کہ جموں و کشمیر میں اس وقت بھارتیہ جنتا پارٹی کی کاموں کے ذریعہ پہچان بن رہی ہے جو علاقائی پارٹیوں کو راس نہیں آرہی۔
ان کے مطابق مرکزی وزیر داخلہ امیت شاہ Union Home Minister Amit Shah نے یقین دہانی کرائی ہے کہ کشمیر کے حالات سازگار ہوتے ہی اسٹیٹ کا درجہ دے دیا جائے گا۔ مگر پی ڈی پی کی صدر PDP President اس پر سیاست کر رہی ہیں۔
انہوں نے مزید کہا کہ پی ڈی پی اب ختم ہو گئی ہے۔ ان کے سینیئر رہنما دوسرے جماعتوں میں چلے گئے ہیں۔
یہ بھی پڑھیں: PDP President Mehbooba Mufti at Jantar Mantar: پی ڈی پی کی صدر محبوبہ مفتی کا جنتر منتر پر احتجاج
اس موقع پر پارٹی ضلع صدر ایڈوکیٹ سید وجاہت، لطیف خان، عابد ننگرو و دیگر لیڈران نے بھی خطاب کیا۔ لیڈران نے شانگس علاقہ میں این سی پی، پی ڈی پی اور کانگریس پارٹیوں NCP, PDP and Congress کی ساخت ختم ہونے کا دعوی کیا۔ وہیں اس موقع پر کئی سیاسی کارکنان نے بی جے پی میں شمولیت اختیار کر لی۔
