اننت ناگ میں سرچ آپریشن شروع

شیر پورہ جانے والے تمام داخلی اور خارجی راستوں کو سیل کر دیا گیا ہے اور لوگوں کی نقل و حمل بند کر دی گئی ہے۔

جنوبی کشمیر کے ضلع اننت ناگ کے شیر پورہ علاقہ میں ایس او جی اور فوج نے کارڈن اینڈ سرچ آپریشن (تلاشی مہم) شروع کر دیا ہے۔

سکیورٹی اہلکاروں کی جانب سے تلاشی کارروائی کا آغاز آج بعد دوپہر ہوا۔ تاہم بعدازاں سرچ آپریشن ختم کیا گیا۔
لیکن آج شام کو ایک بار پھر پورے علاقے کو محاصرے میں لیا گیا۔

ذرائع کے مطابق شیر پورہ جانے والے تمام داخلی اور خارجی راستوں کو سیل کر دیا گیا ہے اور لوگوں کی نقل و حمل بند کر دی گئی ہے۔ ذرائع کے مطابق یہ آپریشن علاقہ میں عسکریت پسندوں کی موجودگی کی مصدقہ اطلاع کے بعد شروع کیا گیا ہے۔