اننت ناگ میں آتشزدگی، متعدد دکانیں خاکستر

جنوبی کشمیر کے ضلع اننت ناگ میں آگ کی ایک ہولناک واردات میں متعدد دکانیں خاکستر ہو گئی۔

ضلع اننت ناگ کے مہندی کدل میں دوران شب ایک شاپنگ کمپلیکس سے اچانک آگ نمودار ہوئی جس نے آنا فاناً متعدد دکانوں کو اپنی لپیٹ میں لے لیا

تاہم فائر اینڈ ایمرجنسی اور مقامی لوگوں کی مشقت کے بعد آگ پر قابو پا لیا گیا اور آگ کو مزید پھیلنے سے روکا گیا کمپلیکس میں موجود 10 کے قریب دکانیں آگ کی زد میں آگئیں جس کی وجہ سے کروڑوں کا سامان راکھ کے ڈھیر میں تبدیل ہو گیا.. جبکہ دو رہائشی مکانات کو بھی جزوی طور نقصان پہنچا ہے

ضلع انتظامیہ کی جانب سے موقعہ واردات پر ایک ٹیم روانہ کیا گیا جس کی قیادت تحصیلدار اننت ناگ بشارت احمد کر رہے ہیں.. انہوں نے کہا کہ آتشزدگی سے ہوئے نقصانات کا جائزہ لیا جا رہا ہے جس کی رپورٹ ضلع ترقیاتی کمشنر اننت ناگ کو پیش کی جائے گی