ڈی سی اننت ناگ نے غیر ریاستی مزدوروں کے انتظامات کا جائزہ لیا

ڈی سی اننت ناگ کلدیپ کرشن سدھا نے آج لورمنڈا میں غیر ریاستی باشندوں کو اپنے آبائی گھروں کی جانب روانہ کرنے کے عمل کا جائزہ لیا۔

ان کے ہمراہ اے ڈی سی اننت ناگ شیخ غلام حسن و دیگر افسران بھی تھے۔ اس موقع پر ڈی سی سرینگر کی جانب سے روانہ کیے گئے 418 غیر ریاستی باشندوں کی اسکریننگ عمل میں لائی گئی اور بعد میں انہیں کٹرہ ریلوے اسٹیشن کی جانب جانے کی اجازت دی گئی۔

اس موقع پر ڈی سی اننت ناگ نے کہا کہ 'کشمیر میں درماندہ غیر ریاستی باشندوں کو اپنے آبائی علاقوں کی جانب روانہ کرنے کے لئے ضلع اننت ناگ کا انتظامیہ ہر ممکنہ تعاون فراہم کرے گا۔'