جنوبی کشمیر کے ضلع اننت ناگ کے ہلر ڈورو شاہ آباد علاقے میں لوگوں نے حکومت کے خلاف زبردست احتجاج کیا۔
لوگوں کے مطابق قاضی گند ڈورو روڈ کو کشادہ بنانے کے لئے پردھان منتری گرام سڑک یوجنا کے تحت کام شروع کرنے کا فیصلہ عمل میں لایا گیا۔
شاہ آباد کے لوگوں نے معاوضہ کا مطالبہ کیا اس سڑک کو کشادہ بنانے کے لئے علاقہ شاہ آباد کے رہنے والے لوگوں کی ملکیتی زمین سمیت متعدد مکانوں کو ہٹانے کا ضلع انتظامیہ کی جانب سے نوٹس جاری کیا گیا۔ تاہم علاقے کے لوگ اس فیصلے سے ناراض دکھائی دے رہے ہیں۔لوگوں نے ای ٹی وی بھارت کو بتایا کہ کے وہ سڑک کو کشادہ بنانے کے فیصلے سے خوش ہیں۔ مگر ضلع انتظامیہ زمین، باغات، اور مکانوں کی معقول قیمت فراہم نہیں کر دہی ہے۔ جس کے خلاف انہوں نے زبردست ناراضگی کا اظہار کیا۔انہوں نے کہا اگر جائز معاوضہ ادا نہیں کیا گیا تو آئندہ احتجاج میں شدت لائی جائے گی۔ جسکی تمام تر ذمہ داری ضلع انتظامیہ پر عائد ہو گی۔متعلقہ علاقوں کے لوگوں نے لفٹننٹ گورنر سے معاملے میں مداخلت اپیل کی ہے۔
