'قبرستان کو سڑک کھا گئی'

حسن نور گاؤں کے شیخ پورہ میں تقریباً 56 کنبے رہتے ہیں اور یہ واحد قبرستان تھا جہاں پر میتوں کو دفنایا جاتا تھا لیکن محکمہ آر اینڈ بی کی جانب سے پچھلے سال سڑک کی توسیع کے دوران قبرستان کی زمین سڑک احاطے میں لائی گئی اور قبرستان کہیں نہیں رہا۔

جنوبی کشمیر کے ضلع اننت ناگ کے علاقہ پہلگام کے حسن نور میں سڑک کی توسیع کے دوران علاقے میں موجود ایک قبرستان بھی زد میں آگیا ہے۔ حکام کی جانب سے سڑک کی توسیع کے دوران قبرستان کی زمین سڑک میں آئی ہے جس پر مقامی لوگ نالاں ہیں۔

مقامی لوگوں کا کہنا ہے کہ علاقے میں موجود یہ واحد قبرستان تھا اور اب جبکہ سڑک کی کشادگی میں قبرستان کا وسیع رقبہ سڑک احاطے میں آگیا تو انہیں شدید مشکلات کا سامنا کرنا پڑ رہا ہے کیونکہ یہ واحد جگہ تھی جہاں پر میتوں کو دفنایا جاتا تھا۔ لوگوں کا کہنا ہے کہ سڑک کشادہ کرنے کے سلسلہ میں قبرستان ہی نہیں رہا۔

انہوں نے کہا کہ حسن نور گاؤں کے شیخ پورہ میں تقریباً 56 کنبے رہتے ہیں اور یہ واحد قبرستان تھا جہاں پر میتوں کو دفنایا جاتا تھا لیکن محکمہ آر اینڈ بی کی جانب سے پچھلے سال سڑک کی توسیع کے دوران قبرستان کی زمین سڑک احاطے میں لائی گئی اور قبرستان کہیں نہیں رہا۔ مقامی لوگوں نے ضلع کے افسران سے اپیل کی ہے کہ ان کی مشکلات کو مد نظر رکھتے ہوئے انہیں کوئی متبادل جگہ فراہم کی جائے۔