اطلاعات کے مطابق لور منڈا انکاؤنٹر سائٹ کے نزدیک جوں ہی انکاؤنٹر ختم ہوا تو اسکے بعد مقامی لوگ جائے واردات پر جمع ہوگئے، اس دوران دھماکہ خیز مواد ازخود پھٹ گیا جس کے نتیجے میں 13 افراد زخمی ہوگئے۔ زخمیوں میں تین کمسن بچے بھی شامل ہیں۔
جائے تصادم پر دھماکہ
وہیں زخمیوں کو فوری طور پر ہسپتال منتقل کیا گیا جبکہ شدید طور پر زخمی 3 افراد کو جی ایم سی اننت ناگ منتقل کیا گیا۔
پولیس نے اس ضمن میں ایک ایڈوائزری جاری کر کے لوگوں کو انکاؤنٹر کے مقامات سے دور رہنے کی اپیل کی ہے، تاکہ اسطرح کے واقعات رونما نہ ہوں۔
بتا دیں کہ آج صبح علاقے میں عسکریت پسندوں اور سیکیورٹی فورسز کے مابین تصادم ہوا تھا، تصادم میں تین عسکریت پسند ہلاک ہوئے تھے۔
