مرکزی وزیر شانتنو ٹھاکر نے ضلع اننت ناگ کے پہلگام علاقے میں دورے کے دوران مختلف محکموں کی جانب سے لگائے گئے سٹالوں کا معائینہ کیا۔ انہیں متعلقہ محکموں کی جانب سے چلائی جانے والی مختلف فلاحی سکیموں کے بارے میں جانکاری دی گئی۔
اُنہوں نے محکمہ صحت و طبی تعلیم، آر ڈی ڈی / این آر ایل ایم، زراعت، دستکاری، ہینڈلوم، پشو پالن، بھیڑ پالن، ماہی پرروری شعبوں کی جانب سے لگائے گئے اسٹالوں کا معائینہ کیا ۔
مرکزی وزیر نے مختلف فلاحی سکیموں کے مستحقین سے بات چیت کی اور اسکیموں کی عمل آوری کا جائزہ لیا۔
اُنہوں نے جسمانی طور مخصوص اَفراد میں وہیل چیئرس اور ہیئرنگ ایڈس سمیت مستحق افراد میں گولڈ کارڈ بھی تقسیم کئے۔
انکے ہمراہ ضلع ترقیاتی کمشنر اننت ناگ، ڈی ڈی سی چیئرمین، اے ڈی سی اننت ناگ ، بی ڈی سی اور ضلع اِنتظامیہ کے دیگر اَفسران موجود تھے۔
مزید پڑھیں: بجبہاڑہ بس اسٹینڈ کی برسوں بعد میگڈمائزیشن سے عوام میں خوشی
مرکزی وزیر مملکت شانتو ٹھاکر نے ہینڈی کرافٹس اور ہینڈ لوم کے سٹالوں کا بھی معائینہ کیا اور مقامی کاریگروں سے بات چیت کی۔ وزیر کو جانکاری دی گئی کہ ضلع میں 28 ہینڈی کرافٹس اور 6ہینڈ لوم ٹریننگ سینٹر کام کر رہے ہیں۔
مزید پڑھیں: اننت ناگ: قبل از وقت برفباری کی پیشگوئی سے میوہ کاشتکار فکر مند
وزیر مملکت نے ایک اجتماع سے خطاب کرتے ہوئے کہا کہ وہ حکومت کی جانب سے چلائی جانے والی مختلف فلاحی اسکیموں کی مؤثر عمل آوری سے خوش ہیں۔
اُنہوں نے پہلگام میں زیر تعمیر 50بستروں کی صلاحیت والے سب ڈسٹرکٹ ہسپتال کا بھی دورہ کیا۔ اُنہوں نے تعمیراتی کمپنی کو اسپتال کے کام میں سرعت لانے کی ہدایت دی۔
