وادی کشمیر میں گزشتہ کئی دنوں سے کسان اپنے کھیتوں میں دھان کی پنیری لگانے میں مصروف ہیں جبکہ پہلی بار کئی چھوٹے بڑے افسر اس مہم میں بڑھ چڑھ کر حصہ لیا جس کی وجہ سے کسانوں میں خوشی پائی جا رہی ہے۔
اسی مہم کے چلتے پرنسپل سکریٹری نوین کمار چودھری نے ضلع اننت ناگ کے سنگم، اور ویسو علاقہ کا دورہ کیا۔ اس موقع پر ان کے ہمراہ محکمہ زراعت اور باغبانی سے وابستہ کئی افسران بھی موجود تھے۔
انہوں نے ذرائع ابلاغ کے نمائندوں کو بتایا کہ 'اس مہم کا صرف یہی مقصد ہے کہ دھان کی پنیری کو مقررہ وقت میں مکمل کیا جائے۔
انہوں نے کہا کہ اس وقت محکمہ زراعت کے اعلیٰ عہدیدار بھی اس مہم میں حصہ لے رہے ہیں۔ انہوں نے مزید کہا کہ ابھی تک کشمیر میں تقریباً 50 فیصدی دھان کی پنیری لگانے کا کام مکمل کیا جا چکا ہے جبکہ بقیہ کام بھی 21 جون تک مکمل کر لئے جائیں گے۔
پرنسپل سکریٹری نے کہا کہ 'کشمیر میں ابھی باہری ریاستوں کے مزدور موجود نہیں ہیں اس لیے مقامی لوگ ہی یہ کام کر رہے ہیں۔
نوین کمار چودھری نے بتایا کہ جموں و کشمیر میں انڈسٹری بنانے کا کوئی خاص اسکوپ نہیں ہے یہاں کی معشیت، زراعت اور باغبانی پر ہی منہصر ہے اس لئے لوگوں کو چاہیے کہ وہ کاشتکاری میں سنجیدگی کا مظاہرہ کریں۔
