تفصیلات کے مطابق علاقے میں بجلی کی تاریں درختوں پر لٹکی ہوئی ہیں، جس کی وجہ سے آئے روز حادثات کا خطرہ رہتا ہے۔
مقامی لوگوں کے مطابق انہوں نے بیک ٹو ولیج پروگرام کے دوران یہ مسئلہ اجاگر کیا تھا۔ جس دوران انہیں علاقہ میں بجلی کا ترسیلی نظام درست کرنے کی یقین دہانی کرائی گئی تھی، تاہم زمینی سطح پر آج تک اس کے خواطر خواہ نتائج سامنے نہیں آیا۔
مقامی لوگوں کا کہنا ہے کہ علاقہ میں پرانے زمانے کے لکڑی کے کھبے مکمل طور بوسیدہ ہو چکے ہیں، اگرچہ دیگر علاقوں میں بجلی کے کھبے اور تاریں بدل دی گئیں تاہم اس حوالہ سے ان کے علاقہ کو پوری طرح نظر انداز کیا گیا۔
انہوں نے کہا کہ بجلی کے خستہ حال نظام کے سبب علاقہ میں ابھی تک کئی حادثات رونما ہو چکے ہیں جس دوران متعدد مویشی کرنٹ لگنے سے ہلاک ہو گئے ہیں۔
انہوں نے متعلقہ محکمہ سے گاؤں میں بجلی کےترسیلی نظام کو درست کرنے کا پُر زور مطالبہ کیا، تاکہ علاقہ میں معقول بجلی کی فراہمی کو یقینی بنانے کے ساتھ ساتھ مزید جانی یا مالی نقصان سے بچا جا سکے۔
