جموں و کشمیر کے ضلع اننت ناگ میں نوجوانوں کو نشیلی ادویات سے دور رکھنے کے لیے ویری ناگ کے عامر گلزار اور ذیشان فاروق نے تین برس سے براؤن لائن کراٹے اکیڈمی کی شروعات کی تھی۔
اس اکیڈمی میں بچوں کو کراٹے سکھائے جاتے ہے اور ابھی تک ان تین برس میں اکیڈمی کے کھلاڑیوں نے دو مرتبہ قومی سطح پر کھیلے جانے والے مقابلوں میں شرکت کرکے بڑے انعامات بھی حاصل کیے ہیں، جس سے ان کھلاڑیوں کی حوصلہ افزائی کی گئی، وہیں علاقے کے دوسرے بچوں اور نوجوانوں میں اس اکیڈمی میں شرکت کرنے کا جذبہ بھی پروان چڑھنے لگا۔
اکیڈمی میں کوچنگ کے فرائض کو انجام دینے والے عامر اور ذیشان کے مطابق قومی سطح کے مقابلوں میں حصہ لینے کے بعد علاقے کے نوجوانوں کی کثیر تعداد اکیڈمی میں اندارج کرانا چاہتے ہیں لیکن علاقے میں انڈور اسٹیڈیم نہ ہونے کی وجہ سے ان کو مشکلات کا سامنا کرنا پڑ رہا ہے، اگرچہ کئی دفعہ انتظامیہ سے گزارش کی گئی ہے کہ ویری ناگ میں ایک انڈور اسٹیڈیم کا قیام عمل میں لایا جائے تاکہ علاقے کے مزید نوجوانوں کو نشے سے دور اور کھیلوں میں مصروف رکھنے میں وہ کامیاب ہوجائے لیکن آج تک ان کو انتظامیہ سے مایوسی کے سوا کچھ حاصل نہ ہوسکا۔
عامر اور ذیشان کے اس قدم سے مقامی لوگ بھی کافی خوش ہے لیکن جگہ کی کمی کی وجہ سے انہوں نے انتظامیہ سے گزارش کی ہے کہ وہ علاقے میں ایک انڈور اسٹیڈیم کا قیام جلد از جلد عمل میں لائیں۔
